Vicipaedia:Pagina prima

Sexus in biologia est modus geneticas proprietates coniunctandi et miscendi, qui praecipuum organismorum in virili et muliebri generibus (vel sexibus) saepe requirit. Reproductio sexualis proprias cellulas (gametas) miscet, ut formaretur progenies, quae proprietates ab ambobus parentibus hereditate accipiunt.

Aliquae gametae nihil forma actioneque differunt (tales ergo appellantur isogametae), sed saepe in eis asymmetria evoluta est, ut duo gametarum (heterogametarum) genera sexus propria existunt: viriles gametae sunt parvae, mobiles, et optime formatae, ut informationem geneticam procul ferrent; muliebres gametae sunt magnae, immobiles, cum alimentis ad auctum organismi iuvenilis sustinendum necessariis instructae.

2022

• 15 Novembris: Circa hodiernum diem homines in tota terra viventes octo milliarda (8 000 000 ) superaverunt.

• 30 Octobris: Aloysius Ignatius Lula da Silva iam annis 2003 ad 2011 praeses Brasiliae iterum ad hoc munus electus est. Succedit Iairo Bolsonaro.

• 22 Octobris: Georgia Meloni Romae ius iurandum praesidis consilii ministrorum dedit, prima femina in Italia hoc munere fungens.

• 20 Octobris: Elisabetha Truss, prima ministra Britanniae, a munere recessit, quo quadraginta quinque solis diebus functa erat.
• 30 Septembris: Russiae gubernatio latrocinalis quattuor regiones Ucrainae (Donetskensem, Luganskensem, Chersonensem, Zaporizhiensem) suffragiis falsificatis ibi habitis territorio proprio adnexit. Ab omnibus paene civitatibus nec suffragia nec adnexio agnita sunt.
• 28 et 29 Septembris: Typhon quarti gradus Ian vastas partes Floridae delevit. Ian antea Cubam vastavit, postea Carolinis Meridianae et Septentrionali imminuit.

• 8 Septembris: Obiit regina Britanniarum Elisabetha II anno aetatis suae nonagesimo septimo et regni sui septuagesimo primo. Cui successit filius rex Carolus III septuaginta tres annos natus.

• 6 Septembris: Elisabetha Truss prima ministra Britanniae nominata est.

• 30 Augusti: Moscuae obiit Michael Gorbačëv ultimus secretarius generalis, deinde praeses Unionis Sovieticae.
• 22 Iunii: Gravis terraemotus magnitudinis 5.9 in confinibus Afganiae et Pacistaniae accidit. Plus quam mille quingenti homines occisi sunt.
• 19 Iunii: Gustavus Petro, dux foederis Pacti Historici, praeses reipulblicae Columbiae electus est.
• 13 Iunii: E flumine Mecon in Cambosia maximus omnium umquam in aqua dulci relatorum piscium captatus est. Ille individuum speciei Urogymni polylepis est, cuius longitudo 3.98 metra, et cuius pondus paene 300 chiliogrammata est.

Hanc paginam Latine converte s.t.p.:

→ Ancarana Saeptum Speciale
saeptum in Madagascaria

/ / / / /